هل يستخدم دينتينوكس جل في علاج آلام اسنان الأطفال

إيه علاقة الدينتينوكس چل Dentinox gel بتاع الأطفال  بالأطفال ؟!

**الدينتيوكس دا عباره عن gel بتستخدمه الامهات ويوصفوا الدكاتره عشان آلام التسنين عند الاطفال او التهاب اللثه .

الصدمه لما تعرف انه ممنوع للاطفال اساسا وضار بصحتهم ...ودا بسبب وجود مادة الليدوكايين !!

منظمة ال FDA العالميه موافقتش اصلا على استخدام مادة الليدوكايين ف علاج آلام التسنين عند الاطفال من سن 6 شهور ل 3 سنين ومش بس كدا ..دا كمان حذرت الآباء والامهات والدكاتره والصيادله من استخدامه للاطفال .!

والسبب ان ابتلاع الاطفال لمادة الليدوكايين بتسبب مشاكل كتير من ضمنها مشاكل خاصه بالقلب والدماغ  ...ومن ضمن الاعراض الارتعاش والارتباك، ومشاكل الرؤية...والترجيع.. والأعراض بتزود من  خطر الاختناق وقد تؤدى الى الوفاه .!

جت كمان دكتوره إيثان هوسمان، أخصائي أمراض الأطفال في إدارة الأغذية والعقاقير FDA  "إن مسكنات الألم الموضعية والأدوية التي تفرك على اللثة ليست ضرورية أو مفيدة حتى لأنها تغسل من فم الطفل في غضون دقائق، ويمكن أن تكون ضارة".

وكان التقرير الصادم للمنظمه ف سنة 2014 ان 22 حاله من الاطفال اللى اخدو ليدوكايين اتعرضوا لحالات خطره ومنهم 3 تعرضوا للوفاه بالفعل !!

منعت المنظمه مادة الليدوكايين للاطفال وكمان مادة البنزوكايين الموجوده ف علاج أوراجيل Oragel ودا لأنه بيسبب انخفاض ف مستوى الاكسجين ف الدم !

المشكله ان الشركه خادعه الناس وحاطه صورة طفل لوهم الناس انه امان وخاص بالاطفال 

منظمة ال FDA لما منعت كدا وحذرت منه ...إدت الامهات نصائح تتعامل بيها مع طفلها ف مرحلة التسنين وهى 

1. تدليك اللثه برفق عن طريق الإصبع

2. استخدام حلقة التسنين ( العضاضه ) بس تكون بارده بانها تتحط ف التلاجه لفتره قصيره ولكن ماتكونش بارده اوى .

#دمتم

#Belal_Ahmed

المصدر ف كومنت ياريت نقراه ....وشكرا

#تحديث

اكد مركز اليقظة الدوائية التابع للإدارة المركزية للصيدلة بوزارة الصحة، أن التحذير الذى صدر عن الـ FDA حول محاطر  مادة "ليدوكايين" Lidocaine الخاصة بعلاج آلام التسنين عند الأطفال إنما يخص المستحضر الذى تركيزه 2% والذى يستخدم فى الفم.

وقال مركز اليقظة الدوائية بوزارة الصحة فى بيان اليوم، إن المنظمة نصحت بعدم استخدام المستحضرات المحتوية على الـ Lidocaine  بهذا التركيز فى الأطفال لعلاج آلام التسنين حيث أنه يسبب مخاطر شديدة وقد يؤدى إلى الوفاة، وتم إضافة هذا التحذير فى النشرة الداخلية لهذه المستحضرات.

من جانبها، أكدت الدكتورة رشا زيادة مدير إدارة الصيدلة لـ"اليوم السابع" أن مركز اليقظة الصيدلية قام برصد ودراسة التحذير فى حينه، وصدر قرار لجنة اليقظة الدوائية بمنع استخدام الـ Oral viscous solutions  التى تحتوى على تركيز 2% أو أكثر من مادة الـ Lidocaine  فى الرضع والأطفال لعلاج آلام التسنين، لافتة إلى إضافة هذا التحذير  إلى النشرات الداخلية للـ Oral viscous solutions  التى تحتوى على تركيز 2% من مادة الـ Lidocaine.

وأوضحت زيادة أن تحذيرالـ FDA يخص مادة الـLidocaine يخص المستحضر بتركيز 2% فقط، وأنه يوجد مستحضرات أخرى مسجلة فى مصر  تحتوى على مادة الـ Lidocaine ولكن لا ينطبق عليها هذا التحذيرمثل: مستحضر Dentinox teething gel  حيث أنه  يحتوى على مادة الـ Lidocaine  بتركيز  0.33%فقط، وبالتالي فهو لا ينطبق عليه هذا التحذير، فضلا عن أنه مازال مسجلا ومسوقا بالمملكة المتحدة حتى الآن للاستخدام  فى علاج آلام التسنين لدى الأطفال.

 وتابعت: مستحضر Micoban فإنه يحتوى على مادة الـ Lidocaine  بتركيز 0.66% (أقل من 2%) ويستعمل لعلاج كانديدا الفم ، ولا يستخدم  لعلاج آلام التسنين لدى الأطفال.